Habal-habal drayber naghikog

CEBU, Philippines - Patay na nga nakit-an sa iyang bayaw ang 44-anyos nga habal-habal drayber nga gituohang naghikog gamit ang pisi sulod sa iyang panimalay sa Poblacion, dakbayan sa Danao niadtong nakalabay nga buntag.

Ang nagpakamatay naila nga si Alex Manulat, minyo, kinsa nakit-an ni Robert Caballero, 25, nga nagbitay na gamit ang pisi nga gihigot sa liog ug ang pikas tumoy gibaat sa trusses sa iyang balay.

Blangko ang kapolisan sa posibleng hinungdan sa paghikog ni Manulat.

Gikatahong wala’y nabantayan ang iyang mga paryente nga duna kini problema sa nanglabay nga mga adlaw.

Gisusi sa kapolisan kung wala ba’y foul play sa maong hitabo.  (BANAT NEWS)