Rama: Komitiba bahinon
CEBU, Philippines - Giklaro ni Cebu City Mayor Michael Rama nga ang re-organization sa konseho gitumong sa pagbahin-bahin sa mga komitiba ug dili pagtangtang sa chairmanship sa ubang konsehal.
“Ang reorganization nako dili man wagtangan, i-round-roving lang, ilahugay lang ang chairmanship, unya ibahin-bahin ang membership, ibahin-bahin ang komitiba,” pasabot ni Rama.
Si Konsehal Noel Wenceslao gihatagan kini og executive function sa mayor sa budgeting isip usa kini ka Certified Public Accountant.
Si Konsehal Gerardo Carillo gihatagan ni Rama og executive function sa Department of Social Welfare and Services (DSWS) nunot sa iyang kasinatian isip consultant sa Department of Social Welfare and Development (DSWD)-7.
Si Konsehal Richie Osmeña ang gihatagan og executive function sa sports commission.
Niadtong Miyerkules, ang lakang sa reorganization sa committee chairmanship sa ex-officio member nga si Philip Zafra ang nabasura human ang walo ka konsehal nga kaalyado sa Team Rama nalupig sa gidaghanon sa mga konsehal nga sakop sa Bando Osmeña Pundok Kauswagan (BOPK) sa botasyon.
Siyam ka konsehal ang sakop sa BOPK ang mibotar nga dili uyon sa nahisgutang sugyot ni Zafra. (BANAT NEWS)
- Latest
