Rapist nadakpan

CEBU, Philippines – Usa ka drayber sa traysikad ang gidakop human kini gipasanginlang milugos sa usa ka dose anyos nga bata diha sa Barangay Basak-San Nicolas ning dakbayan sa Sugbo. Ang gidakop mao si Perfecto Delos Santos Fernandez,48, residente sa maong dapit. Si Fernandez gidakop sa mga tanod nga sila si Rey Murillo ug kaubanan human ilang naaktohan ang suspek nga nagbuhat og malaw-ay sa biktima diha sa usa ka ngilit nga bahin sa maong dapit. Matud pa nga duha ka batang kauban sa biktima ang nagpatabang sa mga tanod nga gibitad ni Fernandez ilang kauban ug sa pagsusi sa lugar nasakpan nila ang suspek. -/EIM) (BANAT NEWS)