Magtiayon may kaso sa Leyte nadakpan
CEBU, Philippines – Gidakop sa kapolisan sa dakbayan sa Mandaue ang magtiayon nga lumad nga taga Gabas, Baybay City, Leyte kinsa adunay warrant of arrest sa kasong robbery with force entry.
Si PO1 Melvin Pelayo sa Presinto 5 sa Mandaue City Police Office (MCPO) miila sa magtiayon nga sila si Arnulfo Calumba, 47 ug Guadalupe Calumba, 48, kinsa temporaryong nagpuyo sa sitio San Lorenzo, Cambaro, dakbayan sa Mandaue.
Matud ni Pelayo nga nadakpan ang magtiayon sa ilang panimalay alas 8 pasado kagahapon sa buntag.
Ang warrant of arrest giluwatan ni Judge Carlos Argellas, Executive Judge sa Branch 14 sa Regional Trial Court (RTC)-8.
Dugang ni Pelayo nga gipahibawo na nila ang kapolisan sa dakbayan sa Baybay labot sa pagkasikop sa nahisgutang magtiayon nga temporaryong gitanggong sulod sa ilang detention cell. -/GMR) (BANAT NEWS)
- Latest
