Serbisyo sa panglawas palambuon
CEBU, Philippines - Palambuon sa kagamhanan sa siyudad sa Sugbu ang serbisyo alang sa maayong panglawas sa mga molupyo sa kabarangayan.
Ang Executive Assistant sa buhatan sa mayor, Atty. Jose Daluz III, mibutyag niini atol sa panagtigom sa mga barangay opisyal diin gipahibawo nga mopalit og mga laboratory equipment ang siyudad alang sa City Health Department.
Mga ekipo nga pamaliton naglakip sa ultra sound machine, CT scan ug dialysis machine.
Ibalik usab sa siyudad sa pagpa-miyembro sa PhilHealth ang 30,000 ka mga kabus nga molupyo aron dili na maproblema kun dunay masakit nga sakop sa ilang pamilya.
Mokuha usab og dugang 100 ngadto sa 150 ka Barangay Health Workers ang siyudad aron maoy motan-aw sa kahimtang sa panglawas sa mga molupyo. (BANAT NEWS)
- Latest
