Moral recovery gitinguha sa PRO-7
CEBU, Philippines - Nanawagan si Police Regional Office-7 Director, Chief Supt. Prudencio Bañas sa iyang mga sakop nga likayan ang pagbuhat og butang nga makaguba sa imahen sa kapolisan.
Gihimo ni Bañas ang panawagan human sa bag-o pa lang nga kontrobersiya nga gikalambigitan sa usa ka opisyal kinsa giingong nangilkil, may gipasanginlan nga mikawkaw sa hinabang sa bagyong Yolanda, may nakapamabdos og duha ka babaye, nangulata’g asawa ug nakapusil patay og usa ka waiter.
“Iwas na lang tayo at this point of time, a lot of issues are being held against us, daghang issues especially sa kapolisan lahat na lang nang masama ilalabas,” matud ni Bañas.
Giangkon ni Bañas nga apektado ang kapolisan sa mga kontrobersiya sa iyang mga sakop.
Apan iyang gipasalig dili sila mohunong ug dili mahimong babag sa pagpakigbatok sa kriminalidad.
Plano karon sa PRO-7 nga mohimo og programa kabahin sa moral values sa mga sakop ug iya kining ipaabot sa Regional Advisory Council aron mapatuman sa mas daling panahon.
“We could institute reforms we have to reiterate moral values, their love of our country, love of our people and love of God,” sumala pa ni Bañas.
Gawas sa lokal nga mga polis, mismo ang labaw sa Philippine National Police nga si Director-General Allan Purisima ang nabutang sa kontrobersiya tungod sa kadudahang bahandi niini. (BANAT NEWS)
- Latest
