Children protection training ipahigayun sa Toledo
CEBU, Philippines - ipa-ilawom sa children protection training ang mga Education Program Supervisors sa Department of Education (DepEd) Toledo City Division ug mga school heads sa matag tunghaan sa dakbayan.
Kini subay na sa pagsaulog sa Children’s Month Celebration lukop nasud sumala pa ni Hermilina Bendoy, Values Education Supervisor ug Alternative Learning System (ALS) program supervisor sa dakbayan.
Tipik sa ipahigayun nga training seminar mao ang pag-lecture sa angayan buhaton sa matag magtutudlo sa paghatag og proteksiyon sa mga tinun-ang kabataan batok pagpangabusong sekswal ug bullying sulod sa tunghaan. Tulo ka adlaw ang maong training seminar nga magsugod sa Oktubre 7 hangtud Oktubre 9. Human sa maong training, ang mga nisalmot mao na sab ang mopaambit sa ilang nakat-onan ngadto sa mga maestra sa matag tunghaan. (BANAT NEWS)
- Latest
