Husay sa kaso ni Ellah Joy wa nadayun

CEBU, Philippines – Wala pa gihapon maresolbar sa korte ang Demurrer to Evidence nga giduso sa mga akusado sa pagdagit ug pagpatay sa bata nga si Ellah Joy Pique.

Kini ang hinungdan nga gikanselar sa korte ang gitakda nga husay sa kaso kagahapon.

Sila si Bella Ruby Santos ug Ian Charles Griffiths kinsa maoy mga akusado niduso og demurrer to evidence sa korte alang sa pagbasura sa kaso tungod sa pagtuo nga wala’y ebidensiya ang prosekusyon batok nila.

Kahinumduman nga sila si Santos ug Griffiths gipasanginlan nga maoy nidagit ug nipatay sa bata niadtong 2011 sa lungsod sa Minglanilla ug gilabay ang patay’ng laws niini didto sa Sayaw, lungsod sa Barili.

Matud sa korte nga unahon una nila pagresolbar ang demurrer to evidence una ipadayon ang husay sa kaso diin ang depensa na ang gitakda nga mopresentar sa ilang mga saksi ug ebidensiya.

Nasayran ang prosekusiyon pinaagi ni Atty. Inocencio dela Cerna niduso na og oposisyon sa tinguha sa depensa ug nagtinguha nga mapadayon gyud ang kaso batok sa mga akusado. -/GMR) (BANAT NEWS)