Mga kahoy kuwang sa atiman
CEBU, Philippines - Wala’y atiman ang mga kahoy nga gipangtanum hinungdan nga kini gipangkutkot ug nagabok matud pa sa executive director sa Cebu Uniting for Sustainable Water (CUSW) nga si Architect Socorro Atega.
“Mao na’ng nahitabo atong nag-decay because even in pruning kinahanglan nga pintorahan na nimo that is something that will seal the opening to prevent infestation of pest, wala na nga practice,” matud ni Atega.
Si Konsehal Nida Cabrera, chairman sa committee on environment sa konseho sa dakbayan sa Sugbo, ang nagpahigayon og inbentaryo sa mga parte sa kahoy.
Mokabat sa 3.2 milyones na nga seedlings sa mga kahoy ang gipangtanum isip kabahin sa National Forestation Program.
Ang mga kahoy nga gipangtanum naglangkub sa cacao, kape ug rubber trees.
Tinguha sa mga opisyal sa nasud nga mo-break sa old record sa India kinsa mitanum og 1.9 milyones nga kahoy ngadto sa ilang lugar niadtong Agosto 15, 2011.
Ang opisyal certification gikan sa Guinness World of Record ang giingong mokabat pa og pila ka semana una kini mogawas. (BANAT NEWS)
- Latest
