Daghang nagbagulbol sa green loop

CEBU, Philippines - Nakasinati og kahuot sa trapiko ang mga karsada sa pagpahigayon sa road sharing kagahapon sa hapon tungod kay ang pikas habig sa karsada gigahin kini alang sa pedestrian, bike lane ug sidewalk ug ang pikas habig maoy giagian sa mga sakyanan.

Lima ka barangay ang naapektohan sa paglusad kagahapon sa Green Loop o road sharing nga mao ang Kamputhaw, Capitol Site, Cogon Ramos, Santa Cruz ug Zapatera.

Dunay habig sa dalan nga gigamit sa mga tawo, bisekleta ug skaters samtang ang pikas bahin naghuot ang dalan.

Si Joy Tumulak, operations manager sa City Traffic Operation Management (CITOM) mibutyag sa Banat News nga alas 2:00 kagahapon sa hapon gisugdan na og sira ang mga dalan.

Gibutyag ni Tumulak nga mga alas-4 sa hapon hangtud sa alas- 6 kagabii. Gikan pa lang sa pagsugod hinay na ang dagan sa trapiko.

Gibutyag ni Tumulak nga ang dalan General Maxilom Avenue, Gorordo, Escario ug Osmeña Boulevard ang naapektohan kagahapon ang dagan sa trapiko ug daghang motorist ang nagbagulbol. (BANAT NEWS)