Motor natagak sa kanal gibiyaan

CEBU, Philippines -  Padayong giila sa Toledo City Traffic Division ang tag-iya sa usa ka motorsiklo nga napalgan nga nahulog sa kanal sa barangay Luray II kagahapon sa buntag.

Ang motorsiklo usa ka Honda Wave nga nagtangag sa plaka nga 1032 GS kolor pula ug itom. Matud ni PO2 Celso Makidato sa traffic section nga naghuwat sila nga may muangkon sa motorsiklo human gibiyaan ra kini sa lugar. Ang kapolisan nagtoo nga hubog ang nagmaneho sa motorsiklo.

Nasuta usab nga may tatak sa grupo sa usa ka fraternity ang motorsiklo.

Wala’y timailhan nga posibleng gikawat ang maong motorsiklo ug nadisgrasya sa pagmaneho.   (BANAT NEWS)