Ugma ang kataposang registration sa SK

CEBU, Philippines -  Usa na lang ka adlaw ang nahibilin alang sa special registration sa Sangguniang Kabataan Elections karong Pebrero 2015,   apan dili na mohatag pa og extension ang Commission on Elections.

Napulo lang ka adlaw ang special registration nga nagsugod niadtong Septiyembre 20 hangtud 29  ugmang adlaw nga Lunes.

Subling nanawagan si Provincial Election Officer Ferdinand Gujilde sa kabataang nag-edad og 15 ngadto 17 anyos sa dili pa moabot ang February 21, 2014 nga magparehistro na sa Comelec  aron sila makabotar o ba kaha makadagan isip kandidato.

Modawat karong adlawa ug ugma og mga magparehistro ang Comelec aron dili sila magdasok  ugma. Wa say extension nga gihatag tungod kay dunay deadlines nga gisunod ang Comelec.

Nasayran nga gamay ra gyud kaayo ang mi-avail sa special registration dihang nibalik kini pagpanawat og aplikasyon niadtong nakalabay’ng  Septiyembre 20.  (BANAT NEWS)