Giiloga’g armas

CEBU, Philippines -  Usa ka security guard  sa usa ka hardware sa dakbayan sa Lapu-Lapu ang gipusil sa duha ka wala mailhing suspetsado nga nagsakay og motor sa miaging Biyernes sa kaadlawon.

Si SG Gerry Ursal, 32,  residente sa Sitio Guise, Barangay Pajac ang samaran human giinitan sa  wala mailhing mga lalaki ang iyang armas nga shotgun.

Si Ursal nagtrabaho ubos sa AJG Security Agency ug nagbantay sa Duane and Dwight Enterprise sa Sitio Wasiwas, Barangay Marigondon.

Matud sa inisyal nga imbestigasyon ni PO3 Lydo Pinos sa Lapu-Lapu City Police Office - Homicide Section, ang pagpamusil nahitabo sa alas 2:30 sa kaadlawon.

Samtang nagbantay sa main entrance si Ursal kalit nga naabot ang duha ka mga lalaki diha sa iyahang likod luwan sa usa ka motorsiklo ug diretsong giilog ang iyang shotgun apan gihapak siya og puloan sa armas diha sa ulo ug gipusil sa iyang batiis. Ang biktima nakuyapan hinungdan nga nadala sa gikatahapan ang iyang shotgun. Si Ursal daling gidala sa Lapu-Lapu City District Hospital ug gibalhin sa Vicente Sotto Memorial Medical Center. Wa pay ideya ang kapolisan kun si kinsa ang maong mga lalaki. (Bryner L. Diaz, Romeo Limpangog ug Christell Fatima Tudtud/EIM) (BANAT NEWS)