Gikulata sa banang polis

CEBU, Philippines - Nagtiniil, nagkadugo ug napuno sa bun-og ang nawong sa usa ka babaye nga mireklamo sa buhatan sa usa ka sibyaanan human nga gikatahong gibiyaan lang sa mga polis sa Punta Princesa Police Station diha sa Cebu City Medical Center kagahapon sa buntag.

Ang maong babaye midangop sa DyMF Bombo Radyo-Cebu gikan nagpakurasyon ug mireklamo nga gikulata siya sa iyang bana nga usa ka pulis nga nadestino sa Mabolo Police Station, kagahapon sa kaadlawon.

Ang nagpakitabang nga ginang (pangalan gipugngan sa Banat News)   nagpuyo sa Barangay Quiot, Cebu City mibutyag sa report sa DyMF, nagkatinubagay siya sa iyang bana apan gikulata siya niini.

Nakaangkon og mga bun-og sa kilay, milagom ang wala nga aping ug nagkagidlay ang ginang dihang midangop kini sa Punta Princesa Police Station apan igo lang kini nga gikuyogan ngadto sa CCMC aron patambalan dayon gibinlan og P30 ug pagkahuman gibiyaan sa mga pulis. Si Atty. Risty Sibay ang hepe sa Technical Services Division sa National Police Commission (NAPOLCOM) nga nahinabi sa Banat News maoy miuban sa maong babaye diha sa Punta Princesa Police Station.

“Ang gusto lang namo nga matabangan siya kung mo-file siya og kaso, kay nabun-og man g’yud siya,” sigun pa ni Sibay.

Gidugang pa ni Sibay nga iya na sab nga naistorya ang hepe sa maong police station ug gi-refer na sa Women’s and Children Protection Desk ang maong police station.

Sumala pa ni Sibay  makasohan og Violence Against Women and Children (VAWC) ang maong pulis.(Jojo C. Ugdol/EIM)(BANAT NEWS)