No Uniform No Attendance ipatuman sa Toledo City
CEBU, Philippines – Hugot nga gipatuman sa kagamhanan sa dakbayan sa Toledo ang No Uniform No Attendance policy.
Kini ang gibutyag ni Edwin Abad, head sa Human Resource Management Office (HRMO).
Matud ni Abad nga sa maong pamaagi madisiplina usab ang mga regular nga kawani sa kagamhanan sa Toledo ingon man presentable sa pag-atubang sa katawhan.
Adunay dress code nga ipatuman si Abad diin sa adlaw’ng Lunes, mag formal attire ang tanang kawani. Gikan sa adlaw’ng Martes hangtod sa Huwebes magsul-ob sa ilang prescribed department uniform ang mga empleyado.
Ang mga kawani bag-ohay lang nakadawat sa ilang clothing allowances nga tag P5 mil kada usa.
Samtang sa adlaw’ng Biyernes gitugutan nga makasul-ob og bisan unsa nga kolor o klase sa sinina ang mga kawani kon "wash day."
Paagi usab kini ni Abad pagsuta dayon kun kinsa ug diin gikan nga departamento ang mga nagtinapulan, nihimo og kahiwian sa pagserbisyo.
Ang mosupak sa maong kamanduan imbestigahon ug pahamtangan og kasong administratiba nga posibleng makapalagpot sa kawani gikan sa iyang katungdanan. -/EIM) (BANAT NEWS)
- Latest
