Wa mobiyahe

CEBU, Philippines - Tungod sa kakusog sa ulan ug kadagko sa balud sa kadagatan, dala sa bagyong Mario, 13 ka mga pasaheroang barko ang boluntaryong nikanselar sa ilang biyahe.

Gibutyag ni Commodore Weniel Azcuna, chief of staff sa Coast Guard Central Visayas nga alas onse kagahapon sa buntag, trese ka mga passenger vessels ang wa na mobiyahe kay naniguro sila sa kaluwasan sa ilang mga pasahero. Ang maong mga barko nagikan sa Hagnaya, Bantayan, Danao City, Tagbilaran, Getafe.

Kasagaran sa mga barko nga wa na palawiga padung sa Capiz, Estancia, Ilo-ilo, Consuelo, Bato Leyte, Hilongos- Leyte ug ang mga barko nga padung sa Sugbo.

Hinuon, bisan pa man trese ka mga barko ang wa mobiyahe, 55 lang sa mga pasahero ang natala sa coast guard nga na-stranded diha sa mga pantalan. (BANAT NEWS)