Lalaking daghan og nasuko gipatay

CEBU, Philippines – Patay ang usa ka lalaki human kini gipusil sa likod ug gitiwasan pa og pusil sa liog sa wala pa mailhi nga gunman kagahapon sa kaadlawon sa Sitio Upper Torre, Barangay Inawayan, Cebu City.

Ang biktima naila nga si Adonis Dianon,  taga Panganiban Street, Pahina Central, Cebu City. Matud pa ni SPO1 Ruth Violango ang imbestigador sa Homicide Section sa Cebu City Police Office nga nahinabi sa Banat News kini mitug-an nga base sa ilang nakuha nga impormasyon daghan na ang nagreklamo batok sa maong biktima tungod kay mao kini ilang gipasanginlang kawatan og manok.

Apan matud pang Violango walay pormal nga mipasaka og kaso batok sa biktima  gibutyag hinuon ni Violango nga daghan ang naglagot niini sa maong lugar. Sumala pa nga gikan nagpalit og pan ang biktima sa usa ka bakery ug pagsulod  niini sa usa ka eskina kalit kini nga gipusil sa wala mailhing tawo.

Walay nakakita sa krimen  tungod kay mingaw ug gamay kaayo ang agianan. -/EIM) (BANAT NEWS)