Easement zone tumanon

CEBU, Philippines - Andam motuman sa “three meters easement zone” ang pito ka dagkung establesamento sa dakbayan sa Sugbo nga anaa daplin sa sapa.

Ang hepe sa Cebu City River Council nga si Joey Daluz mibutyag nga pito ka establisamento ang nitubag sa ilang gipadala nga suwat duha ka adlaw na ang nakalabay.

Matud ni Daluz nga sunod semana magpahigayon sila og conference tali sa nahisgutang mga establisamento.

Ang siyudad gikatakdang magtukod og komitiba nga sangonan sa pagpaatras sa mga establisamento nga naa daplin sa sapa.

Ang komitiba langkuban sa Department of Public Works and Highways (DPWH), City Planning, Legal ug non-government organization (NGO).

Matud ni Daluz giuna nila ang dagkung establisamento nga nahimutang sa downtown ug uptown area. (Brenda D. Batuto/GMR)(BANAT NEWS)