Tipos sa Sogod kontrolado na
CEBU, Philippines - Gikompirmar sa Regional Epidemiology Surveillance Unit(RESU-7) sa Department of Health dinhi sa Central Visayas nga adunay unom ka kaso sa tipos didto sa lungsod sa Sogod sa habagatang Sugbo.
Gipahibawo ni Dr. Dino Caing sa RESU-7 nga karong semana lang mitumaw ang maong kaso sa tipos apan padayon pa nilang gisusi kun diin gikan nga barangay ang maong sakit.
Ang Provincial Epidemiology Surveillance Unit sa Sogod may nahatag na nga medical assistance sa mga gipang-tipos apil na ang pag-survey ug ang gitawag nga rapid typhoid testing.
Gihulagway ni Caing nga maisip na nga outbreak ang nahitabo sa Sogod kay unom na ang nakompirmar sa maong sakit.
Ang tipos usa ka water borne disease ug posibleng nakuha kini sa ilang supply sa tubig nga nakontaminado.
Hinuon under control na ang maong problema sanglit wala nay nadugang sa unom nga nakompirmar nga naigo sa tipos ug di angay kabalak-an. (Decemay P. Padilla/EIM))(BANAT NEWS)
- Latest
