Mabolo Senior Citizens

CEBU, Philippines - Ang Day Care Center for Elderly sa Barangay Mabolo nga bag-o lang nagsaulog sa iyang ika-18 na ka tuig nga anibersaryo tinukod ni Dr. Amparo Florida sa Golden Center sa Barangay Guadalupe ning dakbayan.

Kini sumala ni Boy Brias, presidente sa kahugpongan nga atong nahinabi atol sa Senior Citizens Hour sa DYRC nga mabati matag Sabado, sa 5:00-6:00 sa hapon.

Aduna silay 581 ka sakop. Magtigum sila matag Sabado alas 9 sa buntag adto sa Mabolo Health Center diin matag karon ug unya adunay sugar screening ug pagkuha sa blood pressure sa mga manambong.

Membership fee - P50, monthly dues - P30 ang bulan nga maoy kuhaan sa ilang operational expense. Alang sa hospitalization ug death assistance, ang mga miyembro modeposito bisag pila, maximum of P5,000, diin ma-entitled na sila sa hinabang gikan sa association.

Matud ni Brias, wala silay problema sa one percent nga allocation gikan sa barangay. Gani, pagkakaron, aduna pa silay balance nga mga P50 mil, gikan sa kapin sa P104,000 nga gahin alang kanila.

Ang maong kantidad, katunga sa total nga gahin alang sa mga senior citizens sa Mabolo (duha ang pundok sa mga senior citizens sa Mabolo).

Matag tulo ka bulan kun quarterly, ilang pasidunggan ang mga birthday celebrants sulod ning maong mga bulan, gasto sa kapunongan. Hinoon, matud ni Boy nga usahay dunay mga celebrants nga magdala og pagkaon.

Ang mga opisyal: Boy Brias, president;  Jose Lanete, vice president; Zulicita Y. Kiamco, secretary; Celedonia Cabalhin, asst. secretary; Teresita Cosido, treasurer; Evelyn Cosido, asst. treasurer; Esteban Ardoña, auditor; Florentino Paltingca, Bella Digor, Vicenta Empinado, Romeo Gulde, PROs. Board of Directors: Florentino Ygot, Rodulfo Arceo, Raymunda Digran, Hilaria Bandalan, Julia Laureta, Virgilio Cabalhin, Natividad Valiente, Joaquin Codina.

Sa giingon ni Boy, fully supported sila sa barangay sa tanan nilang kalihokan, giabagan sila sa kapitan ug mga sakop sa konseho. Ug ang treatment ni Kapitan Reynaldo Ompoc sa duha ka pundok, managsama. Walay pagpinig. Lahi sa pipila ka barangay, nga gumikan kaha sa politika, adunay discrimination. Luoy kaayo ang pundok nga layo sa kasingkasing sa kapitan.

Barangay Officials: Reynaldo B. Ompoc, Captain;  mga konsehal Cocoy Gajuda, Aking Ruiz, Raul Cosido, Efren Sanico, Elmer Cui, Jackson Tudtud, Michael Racaza. Emma Colina, GAD Focal; Nimfa G. Rosal, Midwife III, Senior Citizens Coordinator.  (BANAT NEWS)