Suspek gun-for-HIRE

CEBU, Philippines - Duna na’y suspek ang kapulisan sa lungsod sa Alcoy sa pagpusil-patay sa duha ka tawo didto sa Barangay Nug-as, Alcoy kaniadtong Miyerkules.

Hinuon si Inspector Rodgene Fudotan nga maoy hepe sa kapolisan sa Alcoy wala pa motug-an kon kinsa ang ilang gikatahapan kay nagpadayon pa sila sa pag-imbestigar.

Tulo ka tawo ang ilang gisundan karon nga maoy gituohan nga mipatay sa mga biktima nga sila si Deones Allosa, 32, ug Romulo Atienza, 54, nga gipusil didto sa tabo sa Barangay Nug-as.

Matud ni Fudotan nga usa sa mga suspek dunay pending nga warrant of arrest sa kaso sa drugas ug robbery nga nagpabiling idlas sa kamot sa balaod.

Gisubay sa kapulisan nga posibleng sakop sa usa ka lokal nga grupo sa gun- for-hire ang maong tulo ka suspek. (BANAT NEWS)