Bansayon vs tulisan

CEBU, Philippines - Nakigtagbo ang direktor sa Cebu City Police Office Senior Superintendent Noli Romana sa mga branch managers sa LBC sa dakbayan tungod sa sunod-sunod nga tulis nga nahitabo sa ilang mga buhatan.

Si Romana miingon nga ilang nasabotan ang paghimo og security drills sa mga cashiers, tellers ug mga personnel sa LBC aron makahibalo sila sa ilang buhaton kon dunay tulis nga mahitabo.

Sumala pa ni Romana, kinahanglan ma-train ang maong mga empleyado tungod kay sila ra man ang anaa sa sulod kung sila tulison.

Nalipay si Romana nga positibo usab nga gidawat sa mga branch managers  ang iyang hangyo nga ipaayo ang mga closed circuit television (cctv) cameras. Apan kabahin sa pagkuha og security guards, nag-agad pa gihapon ang mga branch managers sa hukom sa ilang ulohan nga buhatan bahin niini. (BANAT NEWS)