Panguha sa bas, graba sa Mananga hingpit idili

CEBU, Philippines - Gidid-an na ang taga dakbayan sa Talisay sa pagpanguha sa bas ug graba sa kasapaan ilabi na sa Mananga.

Ang pangulo sa City Disaster Risk Reduction and Management Office, Vince Monterde, mirekomendar human nasuta nga guba na kaayo ang Mananga River. Nasuta nga dakung bahin sa sapa ang lawom na kaayo tungod sa pagkabkab niini.

Matud ni Monterde nga kong pasagdan ang pagkabkab sa sapa mugabok ang pundasyon sa tulay ug moresulta na hinuon sa pagkahugno niini.

Iyang gidugang nga gusto sa ilang buhatan nga hugtan ang pagdili bisan sa pag-insister sa madakpan nga panginabuhian. - /GMR) (BANAT NEWS)