Sulod sa Mandaue City Jail 4,042 na

CEBU, Philippines - Naghinubra na ang binilanggo sulod sa Mandaue City Jail human niabot na og 4,042 samtang 77 lang ang kapasidad sa bilanggoan subay sa standard sa United Nation.

Matud ni City Jail Warden, Chief Insp. Gil Inopia, nga subay sa UN standard, maoy okupahon sa matag binilanggo ang 4.7 metros nga lugar ug wala’y bilanggoan sa Sugbo nga nakatuman niini.

Nag-unang hinungdan sumala pa ni Inopia nga wala matuman ang standard mao ang kalisud sa pagpangita og dakung luna nga mahimo untang kabalhinan sa bilanggoan sa dakbayan.

Nag-una sa mga kaso nga giatubang sa mga bilanggo sa Mandaue City Jail mao ang kalambigitan sa ilegal nga drugas tungod kay daghan man ang nadakpan.

Dugang niini ang mga kasong murder ug ubang ginagmay’ng krimen.

Hinuon si Inopia miingon nga ilang gihimo ang tanang pamaagi sa pagpaluag sa gidaghanon sa mga binilanggo sama sa pagbalhin sa nakonbikto na sa kaso ngadto sa National Bilibid Prison sa Muntinlupa.

“Dili lang gyud madali ang pagpabiyahe sa konbiktadong binilanggo ngadto National Bilibid Prison tungod kay nagkinahanglan pa man kini nga kapun-an pa og laing nakonbikto na sa kaso nga maoy kauban sa pagdala niini. - /GMR) (BANAT NEWS)