Dredging sa Bulacao river

CEBU, Philippines - Gusto una nga tun-an ni Talisay City Councilor Antonio Bacaltos ang “environmental impact” kabahin sa sugyot sa mga opisyal sa Barangay Bulacao nga palawman ang Bulacao river.

Ang sapa sa Bulacao habig sa dakbayan sa Sugbo gihimoan og riprap sa DPWH Cebu City engineering district nga wala muhimo’g konsultasyon sa mga lumolupyo.

Mireklamo ang mga lumolupyo sa Sitio Crosan, Bulacao-Talisay nga ang maong proyekto nakapabalaka kanila kay nakamugna kini og baha sa ilang dapit kay mogamay man ang agi-anan sa tubig.

Si Konsehal Banjo Abastillas sa Bulacao, Talisay miisip nga ang pag-riprap usa lang ka "band-aid solution" kay ang tukma nga pagabuhaton mao ang pagpalawom sa sapa aron dili na moawas ang baha kon kusog ang uwan.

"Bisan amo na nga gikuwestiyon ang project pero nahuman naman, unsa pa may atong mabuhat?” matud ni Abastillas. Si Konsehal Bacaltos nga maoy tsirman sa committee on environment sa konseho sa Talisay, miingon nga kinahanglang tun-an g’yud una ang maong sugyot.  (BANAT NEWS)