Overtime sa Comelec nausik

CEBU, Philippines - Giangkon ni Cebu Provincial Election Supervisor, Atty. Lionel Marco Castillano nga nausik ang overtime pay nga ilang gibayad ngadto sa pipila ka mga kawani sa Commission on Elections sa pagpahigayon og continuing registration sa mga bag-ong botante.

Kini tungod kay may mga lugar nga wala’y nagparehistro sa adlaw nga Domingo nga gitagana unta sa Comelec alang niadtong nagtrabaho gikan sa Lunes hangtud sa Sabado. Nunot niini sugod niadtong Agosto 18, ang mga siyudad sa Sugbo, Mandaue ug Lapu-Lapu lang ang gitugutan nga makapahigayon sa rehistrasyon sa adlaw’ng Domingo.

Matud ni Castillano nga ang ubang component cities ug kalungsuran sa Probinsiya sa Sugbo mobalik sa naandan nga adlaw sa continuing registration gikan sa Lunes hangtud sa Biyernes.

Giklaro ni Castillano nga tugtan lang nila nga mobukas ang buhatan sa Comelec sa kalungsuran ug ubang mga siyudad sa sa higayon nga may mga pundok nga mohangyo kanila nga mopahigayon og voter's registration. (/GMR)(BANAT NEWS)