Suspek sa planong pagpatay sa bise-mayor gipusil
CEBU, Philippines - Patay ang usa ka 35-anyos nga lalaki nga gikan nagduwa og basketball human pusila sa duha ka wala mailhing tawo nga sakay og motorsiklo sa national highway, Poblacion, Asturias sa niaging adlaw.
Si Archie Alvarado nga nailhan sa ngan nga “Chedax” taga Looc Norte sa maong lungsod ang gipusil unom ka higayun sa iyang abaga ug buko-buko.
Sa imbestigasyon sa kapolisan nasayran nga sakay sa biseklita si Alvarado gikan sa plaza dihang gipusil sa duha mga nagmotorsiklo.
Gidali pa sa pagdala ang biktima sa Balamban District Hospital apan gideklarar kining dead-on-arrival.
Matud ni SPO1 John Philip Acasco sa Asturias Police Station nga posibleng drugas ang rason sa pagpamusil ni Alvarado kinsa apil kini sa ilang watchlist.
Nasayran usab nga si Alvarado apil sa upat ka mga suspek sa planong pagpatay kang Asturias Vice Mayor Joel Dumdum niadtong Enero. (BANAT NEWS)
- Latest
