Wa maglung-ag, Mama gitigbas sa anak
CEBU, Philippines - Giunay pagtigbas sa anak ang usa ka 74-anyos niyang inahan gamit ang sundang tungod kay wala makalung-ag og kan-on kagahapon sa buntag sa Bawud, Media Once, dakbayan sa Toledo.
Nakaangkon og samad tinigbasan sa ulo ang usa ka Caridad Rabanes Mananay human tigbasa sa anak nga si Cerelino, 40-anyos.
Sa inisyal nga imbestigasyon sa kapolisan nga gikan nanglaba si Caridad ug sa pag-abot niini sa ilang balay gisugat sa iyang anak og sundang.
Gituohan nga aduna’y deperensya sa pangutok si Cerelino ug tungod sa kagutom miresulta kini sa pagka-lagot.
Gidali pagdala sa Toledo City Hospital ang biktima aron matambalan ang samad sa ulo samtang ang anak ang gitanggong sa Toledo City Police Station.
Nakagawas na sa tambalanan ang biktima ug wala’y plano nga mosang-at og kaso batok sa anak. (BANAT NEWS)
- Latest
