Lalaki patay sulod sa lodge

CEBU, Philippines - Wala na’y kinabuhi nga napalgan ang usa ka hamtong lalaki sulod sa usa ka lodge sa sityo Lawis, Poblacion, dakbayan sa Toledo kinsa nailhan nga si Diwi Laspona, residente sa sityo Luray Uno.

Ang kapolisan sa dakbayan sa Toledo miingon nga ang lalaki nangabang sa usa ka lawak sa maong lodge kauban ang usa ka hamtong nga babaye kinsa nagpaila nga higala sa biktima.

Matud sa babaye nga dihang sulod na sila sa lawak, naglisud og ginhawa ang lalaki ug nangayo og tabang.

Daling gidala ang lalaki   sa Toledo City Hospital apan gideklarar nga dead on arrival sa doktor.  (BANAT NEWS)