Bag-ong rota sa Mandaue ipatuman
CEBU, Philippines - Gitinguha karon sa Traffic Enforcement Agency of Mandaue (TEAM) nga kabutangan og rota sa pasaheroan nga multicab ang pipila ka barangay sa dakbayan.
Matud ni TEAM operation chief Edwin Ermac nga makahatag og kasayun sa mga pasahero kung adunay mga multicab nga pasaheroan nga magbiyahe paingon sa merkado publiko o mga mall gikan sa kabarangayan.
Ang kagamhanan sa dakbayan bukas na alang niadtong mga operator nga mopadagan og multicab nga pasaheroan tungod kay makaagi man kini sa mga national road.
Sa pagkakaron ang mga pasahero kinahanglan pa nga mosakay og traysikol o habal-habal kutob sa eskina sa national road.
Si Ermac miingon nga lakip sa mga dalan nga nagkinahanglan og mga rota sa multicab nga pasaheroan mao ang barangay Cabancalan ug Banilad nga molabay sa dalan M.L. Quezon ug A.S. Fortuna; Paknaan, Canduman, Basak ug Cubacub nga ang biyahe paingon sa merkado publiko o mga mall.
Ang Land Transportation Franchising and Regulatory Board (LTFRB)-7 mao gihapon ang moluwat sa prangkisa alang sa pagpatuman sa plano. (BANAT NEWS)
- Latest
