CPDAC iparonda pag-usab ang CPDRC

CEBU, Philippines - Giawhag sa Cebu Provincial Anti-Drug Advisory Council (CPADAC) ang PDEA-7 aron mohimo pag-usab og inspeksyon sa CPDRC kay gusto nila nga mokuyog sa maong operasyon. Ang hepe sa CPADAC nga si Joey Herrera nakuwangan sa resulta sa gihimong greyhound operation sa PDEA niadtong Domingo kay way nasakpang kontrabando.

Nagtuo silang kuwang ra ang gihimong pagsiksik sa PDEA-7 sa mga karsel. Nasayran sa DYRC nga  tulo ka K9 units ang gipadala sa PDEA-7 sa maong operasyon.

Gusto sa CPADAC nga dunay koordinasyon kanila ang sunod unya nga himuong inspeksyon.

Sumala pa nga bisan si Gob. Hilario Davide III nakuwangan sa resulta sa maong greyhound operations tungod kay dako ang pagduda niini nga duna g’yuy mga kontrabando nga angayan untang nasakpan niadtong adlawa.

Hinuon si Mark Maramba, ang operations officer sa PDEA-7 mibutyag nga andam silang mosanong sa gusto sa CPADAC. (BANAT NEWS)