Kenyan nanglugos sa cable agent
CEBU, Philippines - Usa ka Kenyan national ang nasikop sa kapolisan human pasanginli nga nanglugos sa usa ka 22-anyos nga babaye sa barangay Talamban dakbayan sa Sugbo.
Giila ang suspetsado nga si Eliud Kiplimo Lelei, 23, nagpuyo sa Santo Niño Village, Barangay Banilad, dakbayan sa Sugbo.
Si Police Senior Inspector Peter Hartzel Billedo, hepe sa Mabolo Police Station nga nahinabi sa Banat News nagkanayon midangop sa kapolisan ang usa ka television cable provider ug mipasangil nga gi-rape siya sa usa ka Kenyan national sa usa ka subdivision sa barangay Talamban, dakbayan sa Sugbo. Sumala pa ni Billedo nga nagpaila si Lelei nga usa ka cable subscriber nga gusto kini nga magpa-install og dugang channel sa tv.
Samtang nag-negotiate na ang duha sa pagpa-install og channel miadto ang biktima sa balay ni Lelei apan giingong gilugos siya niini.
Mipakita ‘sab og medical certificate gikan sa Vicente Sotto Memorial Medical Center ang biktima nga magpamatuod nga nahilabtan siya sa Kenyan national.
Apan gihimakak kini ni Lelei tungod nga nagkaila ra sila sa biktima tulo ka semana na ang nakalabay sa I.T Park dihang gipangayoan siya niini og kwarta kay magpatambal sa iyang anak. Nasikop si Lelei atol sa usa ka hot pursuit operation nga gipahigayon sa kapolisan. Kasamtangan gitanggong sa Mabolo Police Station detention cell ang suspetsado ug pasakaan og kaso nga paglapas niini sa RA 8353 o Anti-Rape Law. (BANAT NEWS)
- Latest
