Health Center sa Budla-an padak-an
CEBU, Philippines- Kinahanglang padak-an ang health center sa barangay Budla-an nunot sa nagkadaghan sa mipuyo gikan sa mga gi-demolis nga kabalayan sa dakbayan sa Sugbo.
Si Budla-an Barangay Kapitan Nerissa Antolihao nagpatabang kang Konsehal Alvin Dizon aron kagahinan og P2 milyones ang pagtukod og extention sa ilang health center.
Dungan sa pagpadaku sa health center, tinguha usab sa kapitan nga dugangan ang health personnel aron ma-alagaran ang tanang manginahanglan.
Plano ni Antolihao nga ang extension sa barangay health center adto tukora sa sitio Kapasar nga duol ra sa relocation site gikan sa barangay Carreta, Mabolo ug uban pa.
Gipasalig ni Dizon nga ilang pangitaan og paagi ang hangyo ni Antolihao nga gitumong ngadto sa buhatan sa mayor. (BANAT NEWS)
- Latest
