26 ka nurses gibakwi sa CCMC gikan sa VSMMC
CEBU, Philippines- Gibakwi sa Cebu City Medical Center (CCMC) ang 26 ka mga nurses nga nadestino sa Vicente Sotto Memorial Medical Center (VSMMC) gumikan kay ‘under staff’ karon ang tambalanan human mi-resign ang 28 ka-nurse.
Ang 26 ka nurse gibalhin sa VSMMC sugod niadtong Agosto 1 human sa linog nga miigo sa Central Visayas nga midagsa ang mga pasyente.
Si Dr. Gloria Duterte ang chief of hospital sa CCMC, human nga gikatahong sunod-sunod nga mi-resign ang 28 ka nurse lakip niini ang lima ka maternity nurses sa ilang tumong nga manginabuhi gawas sa nasod.
“Gi-anticipate naman ni namo nga panghitabo kay bisan sa una mao man ‘pud ni ang nahitabo, mao nga atong gikuha ang 28 ka nurses nga na-detailed sa VSMMC sukad niadtong January,” matud ni Duterte.
Ang 28 ka nurse nga gitudlo sa VSMMC napailawon sa ‘deployment program’ sa syudad sa Sugbo human maparalisa ang operasyon sa CCMC sa niaging tuig gumikan sa 7.2 magnitude nga linog.
Si Duterte miklaro nga wala maapektahi ang operasyon sa tambalanan sa pag-resign sa mga nursing staffs kay gihulipan man dayon sa nurse gikan VSMMC.
Ang tambalanan kasamtangang adunay 159 nursing staff, pito ka-resident doctors ug 34 ka training physicians. - /EIM) (BANAT NEWS)
- Latest
