Hepe sa Balamban patubagon

CEBU, Philippines- Patubagon sa Provincial Intelligence Branch (PIB) ang hepe sa Balamban Police Station may kalabutan sa nahitabong pagpanulis sa usa ka pawnshop.

Sumala pa ni Supt. Rodulfo Albotra, hepe sa PIB, nga gusto niyang maklaro kun nganong nahitabo ang pagpanulis dungan sa dakung kalihukan sa Sugbo niadtong Domingo.

Matud pa ni Albotra nga sa nakuha nila nga impormasyon, posibleng ang grupo nga nakatulis sa mall sa Cagayan de Oro mao usab nga grupo ang mihimo sa lungsod sa Balamban.

Apan gipasabot sa opisyal nga dili siya kombinsido ug nagtuo sila nga lokal nga grupo ang mihimo sa pagpanulis.

Gimandoan ni Albotra ang iyang mga sakop nga paspasan ang pagsulbad sa maong insidente.  - /GMR) (BANAT NEWS)