Kapin 100 ka manok “dead on arrival” sa DVMF
CEBU, Philippines- Kapin usa ka gatos ka mga manok ang nangamatay tungod sa ‘stress’ samtang sila gibiyahe gikan sa poultry farm padung sa usa ka ihawan sa dakbayan sa Sugbo ug gidala na lang sa buhatan sa Department of Veterinary Medicines and Fisheries.
Gikompirmar ni Ann Calungsod, meat inspector sa DVMF nga patay na ang kapin gatos ka broiler nga manok dihang naabot sa ilang buhatan, gituohan nga ‘na-stress’ ang mga manok diha sa tangkal tungod sa kalayo sa biyahe.
Ang maong mga manok gikan sa Tres Marias Mini Slaughterhouse sa Cadahuan Talamban, Cebu City nga gipanag-iya ni Dennis Camirade.
Matud ni Pilar Romero pangulo sa DVMF nga aron dili mangamatay ang mga manok kinahanglan dili kini ibutang sa huot nga tangkal ug kinahanglan nga tarongun ang pagdala kanila.
Ang maong mga manok gikatakdang ilubong sa pet cemetery luyo sa nursery sa Agriculture sa samang buhatan. - /EIM) (BANAT NEWS)
- Latest
