Krimen sa Toledo nikunhod
CEBU, Philippines - Mikunhod og 82 porsiyento ang krimen sa dakbayan sa Toledo gikan sa buwan sa Enero hangtud sa buwan sa Hunyo kun itandi sa samang mga bulan sa miaging tuig.
Kini ang gibutyag ni Police Chief Inspector Michael Anthony Bastes, hepe sa Toledo City Police Station.
Nasayran nga gikan sa 1,202 ka mga krimen nga natala sa siyudad niadtong 2013 anaa na lang sa 705 ang krimen sa Toledo karong tuiga.
Ang kaso sa kawat maoy nag-una nga adunay daghang natala nga niabot sa 137 ning tuiga apan mas ubos kini itandi sa nakalabay’ng tuig nga niabot sa 223.
Ang maong mga krimen gilangkuban sa physical injury, murder, homicide, rape, kawat, tulis ug uban pa.
Nanawagan si Bastes sa mga taga Toledo sa pagsuporta sa mga programa sa kapolisan alang kahapsay ug kalinaw sa siyudad. (/EIM)(BANAT NEWS)
- Latest
