Pagbutang fire exits sa mga tunghaan sugdan na

CEBU, Philippines -  Sugdan na sa Cebu City Hall ang pagpabuhat og mga fire exits sa kapin 40 ka tunghaan sa dakbayan.

Gibutyag ni Atty. Joey Daluz III, chairman sa Local School Board, nga 11 ka mga contractors ang napili sa gipahigayung public bidding sa niaging adlaw.

Matud ni Daluz nga gibahin nila ang mga tunghaan ngadto sa 11 ka clusters aron mas dali ang pagtrabaho.

Sumala ni Daluz nga ang notice of award ihatag na ngadto sa mga contractors sunod semana aron masugdan na ang konstruksiyon.

Subay sa Approved Budget Contract, human mahatag ang notice to proceed, magsugod ang 30 ka adlaw nga ihatag nga tagal sa paghuman sa proyekto.

Matud ni Daluz nga P23 milyones ang gahin sa LSB alang maong proyekto. (/GMR)(BANAT NEWS)