Mga bato sa Manipis nangaligid
CEBU, Philippines - Nabalaka na ang mga molupyo sa barangay Manipis, dakbayan sa Talisay sa mga mangaligid nga bato gikan sa bungtod padulong sa usa ka tunghaan.
Si Kapitan Emma Cabiluna nanawagan sa mga opisyal sa siyudad nga susihon ang kahimtang sa tunghaan ug tabangan sila nga malikay sa disgrasya ang mga estudyante.
Ang Manipis usa sa mga bukirang barangay sa dakbayan sa Talisay ug giila sa Mines and Geo-sciences Bureau (MGB)-7 nga landslide prone area.
Matud ni Cabiluna nga ang mga classrooms sa eskwelahan sa ilang lugar wala na klasehi tungod kay misulod ang mga dagkung bato nga nangaligid.
Ang mga sakop sa City Disaster Risk Reduction Management Office (CDRRMO) nisusi sa milabay’ng adlaw sa lugar ug nasuta ang kahimtang sa eskwelahan. Ang kapitan nanghinaut nga tabangan sila sa siyudad nga mapaayo sa daling panahon ang mga naguba nga classroom aron magamit pag-usab. (/GMR)(BANAT NEWS)
- Latest
