Iti ang gidugok sa langaw?

CEBU, Philippines - Iti sa manok nga gigamit isip organic fertilizer ang pasiunang gitan-aw nga hinungdan sa pag-ataki sa daghan langaw sa lungsod sa Asturias.

Wala pa hinuon matumbok sa Department of Agriculture kung mao ba gyud ang hinungdan sa langaw apan giingong dili maayo ang pagbutang sa iti sa manok isip abuno.

Laing gitan-aw sa DA nga hinungdan ang mais hinungdan nga gisusi na sa technical staff sa maong ahensiya ang taho sanglit unang higayun nila kining nadungog.

Gibutyag sa Regional Executive Director sa DA-7, Angel Enriquez, nga wala pa sila kasugat sa ingon nga problema diin mais ang hinungdan sa pagdaghan sa langaw.

Nagpadala usab og mga Sanitary Inspectors ug mga Agriculture Officers aron pagsusi sa grabeng pagdaghan sa langaw. 

Ang Integrated Provincial Health Office (IPHO) migamit na og kemikal nga pangpatay sa mga langaw ug lakip sa gibutangan ang nagtapok nga mga sinakong iti sa manok nga wala pa magamit. (BANAT NEWS)