Traffic enforcers hataga’g insurance

CEBU, Philippines- Gitun–an sa Konseho ang plano nga paghatag og insurance ug dugang allowance sa mga traffic enforcers  tungod sa ka risgo sa ilang mga trabaho.

Matud ni Vice Mayor Edgar Labella nga gitun-an karon nga gawas sa death insurance, kinahanglang aduna say injuries ug accident insurance ang mga traffic enforcers isip proteksyon sa mga kawani sa City Traffic Office Management (CITOM).

Sama sa nahitabo ni Marie Theresa Bascones kinsa namatay human madasmagi sa usa ka awto nga gimaneho sa usa ka Koreana ug si Traffic Enforcer Bonifacio Dela Cruz kinsa padasmagan unta sa usa ka motorista apan nakalihay lang.

Pipila lang kini sa mga insidente nga nahitabo sa mga enforcers samtang nagtrabaho.

Matud niya nga mas risgo ang trabaho sa usa ka enforcer tungod kay mga nagdagan nga sakyanan ang ilang gi-atubang ug dako ang posibilidad sa aksidente kun itandi sa usa ka parking aid. Giplanohang   hatagan og hazard pay  ang mga basurero ug  mga trabahante nga risgo ang trabaho. - /EIM) (BANAT NEWS)