Gikamang sa bayaw

CEBU, Philippines- Gikamang ang usa ka babaye ug gihagkan sa iyang bayaw samtang natulog sulod sa ilang panimalay pasado alas 12 sa tungang gabii sa niaging adlaw sa sitio Sangi, San Nicolas, dakbayan sa Sugbo.

Ang babaye 32-anyos samtang ang suspetsado nailhan nga si Crismelo Ancajas Rosales, 32, pulos nagpuyo sa maong lugar.

Matud ni PO3 Diosdado Andales sa Mambaling Police Station nga nahinabi sa Banat News nga samtang natulog ang biktima kalit lang misulod si Rosales sa iyang kwarto ug gihalokan sa suspetsado ang paa niiini.

Samtang gibuhat sa suspetsado ang pagpanghalok ngadto sa biktima kalit lang nakamata ang babaye ug daling nakapangayo og tabang sa mga barangay tanod.

Nasikop sa mga barangay tanod si Rosales ug daling gidala sa presinto diin gihimakak sa suspetsado ang pasangil.

Hinoon pagbalik sa babaye sa buhatan sa kapolisan, iyang gipasaylo ang iyang bayaw ug mipirma nga dili na lang ipadayon ang kaso nga ipasaka batok niya. - /GMR) (BANAT NEWS)