DepEd-Toledo gikawatan na usab
CEBU, Philippines - Nabiktima na usab sa kawatan ang buhatan sa Department of Education sa dakbayan sa Toledo sa barangay Poblacion.
Si Jocelyn Loyola, 51-anyos, administrative officer sa DepEd-Toledo City Division, ang mitaho sa Toledo City Police Station labot sa paglungkab sa ilang buhatan.
Sa imbestigasyon sa kapolisan nasayran nga nawagtang ang intercore processor sa CPU sa computer nga gibana-banang nagkantidad og P5,000.
Nasayran nga gikuot sa suspek ang luyo nga bahin sa opisina sa may aircon nga bahin.
Kini maoy ikaduha nga higayon nga gikawatan ang maong buhatan.
Subay niini padayon pang giimbestigahan sa kapulisan ang maong panghitabo.
Kahinumduman nga sa nakalabay nga buwan gilungkab usab sa wala pa mailhing kawatan ang DepEd-Toledo diin nadagit ang gamit sa computer set sa mga kawatan. Hinuon nabawi ang uban niini human gibaligya sa usa ka computer shop apan wala’y nasikop nga suspek. (BANAT NEWS)
- Latest
