Wala na kaikyas sa PDEA
CEBU, Philippines - Giilang “level one” drug pusher nasikop sulod sa iyang panimay ug nakuhaan og daghang ginadiling drugas atol sa buy-bust operation sa Philippine Drug Enforcement Agency (PDEA-7) Pulangbato, dakbayan sa Sugbo kagahapon sa hapon. Ang dinakpan naila nga si Rodillo Miñoza, 56, naila nga usa sa mga numero unong tig-supply og drugas sa ilang lugar ug sa mga silingang mga dapit.
Matud ni Esperidion Javier, director sa PDEA-7, nga taud-taud na nilang gipaubos sa surveillance si Miñoza apan nakaikyas sa unang entrapment operations.
Apan niadtong nakalabay nga adlaw, wala nakabantay ang dinakpan nga taga PDEA na diay ang iyang ka-transaction.
Nakuha sa posesyon ni Miñoza ang upat ka dagkung bulto sa drugas ug ang marked money nga gigamit sa mga operatiba.
Matud ni Javier nga makabaligya og tulo ka kilo nga shabu ang dinakpan matag buwan diin mokita usab kini og milyones. (BANAT NEWS)
- Latest
