Fratman nakuhaan mga armas
CEBU, Philippines - Usa ka lalaki nga gituhoan nga paingon unta sa usa ka initiation rites ang gidakop sa City Intelligence Branch (CIB) sa Cebu City Police Office human nakuhaan og mga armas ug paddle diha sa Sitio Maharlika, Barangay Sambag II, Cebu City sa miaging hapon.
Ang gidakop mao si Edmond Igot, 21, nagpuyo sa maong lugar nga giingong sakop sa usa ka fraternity.
Matud pa ni Superintendent Romeo Santander ang hepe sa City Intelligence Branch (CIB) dunay mitug-an kanila nga dunay fraternity nga mag-initiation sa maong lugar.
Atol sa pagsikop kang Igot, nakuha kaniya ang upat ka armas nga naglakip sa .45 caliber pistol nga dunay tulo ka bala, .9mm pistol nga dunay 10 ka bala, .22 revolver ,.38 revolver nga dunay tagsa ka bala ug usa ka paddle. (BANAT NEWS)
- Latest
