Programa alang sa mga OFWs giumol

CEBU, Philippines- Giumol sa kagamhanan sa dakbayan sa Sugbo ang Comprehensive Integrated Developmental Program alang sa mga Overseas Filipino Workers (OFW) aron maprotektahan sila ug ang ilang pamilyang nahabilin sa nasud.

Atol sa gihimong State of the City Address ni Mayor Michael Rama sa niaging semana, iyang gipadayag ang pagtabang sa mga OFW sa pagpakig-alayon sa Overseas Workers Welfare Administration (OWWA).

Gusto sa mayor nga tabangan ang mga pamilya kung unsaon nga magmapuslanon ang pagpanarbaho sa mga OFWs ug dili lang mahulog sa wala. Makigtagbo si Rama sa kadagkoan sa OWWA ug Department of Labor and Employment aron mas mahatagan og katin-awan ang maong programa. - /GMR (BANAT NEWS)