Nilabang nadasmagan sa motorsiklo

CEBU, Philippines - Grabeng pagkaangol sa usa ka tawo nga nadasmagan sa motorsiklo sa dalan M.C. Briones, Jagobiao, dakbayan sa Mandaue niadtong Sabado sa hapon.

Ang biktima mao si Pacifico de Luna, 53-anyos, taga Deca Homes Subdivision, Jagobiao ug ang nakadasmag mao si Rene Manching, taga Lamac, Yati, lungsod sa Liloan. Si SPO1 Joel Catabas, imbestigador sa traffic division sa Mandaue City Police Office, miingon nga nilabang sa karsada ang biktima.

Matud ni Catabas nga tungod sa impact nalamba sa sementadong karsada ang biktima kinsa daling gihatud sa Mandaue City Hospital ug ang nakadasmag mitahan sa kapolisan. (BANAT NEWS)