Giluba sa kainom

CEBU, Philippines - Patay ang usa ka lalaki sa dihang gidunggab sa iyang silingan human nga sila  nagtagay pasado alas- 8 sa gabii niadtong Miyerkules didto sa Sitio Pinggan, Barangay Pakigne, Minglanilla Cebu. Giila ang biktima nga si Renato Benida, 49, naila ‘sab ang suspetsado nga si Carmelino Encallado, 50, nagpuyo sa maong lugar. Matud pa ni PO2 Nikki Carlo Plarisan nga nahinabi sa Banat News nga mitumaw ang panaglalis sa duruha nga misangpot sa pagpanunggab sa nagkadaiyang parte sa kalawasan sa biktima. Dali nga gidala sa Minglanilla District Hospital ang biktima apan tungod sa igo sa dughan namatay kini. Ang suspek daling nakaikyas.  (BANAT NEWS)