Pirma sa mama ‘gi-peke’ sa tambalanan
CEBU, Philippines - Gipakita kagahapon sa inahan sa masuso nga giplasteran ang baba ang husto niyang pirma nga lahi ra sa napatik sa giingong kasabutan isip pag-areglo sa ilang reklamo batok sa Cebu Puericulture and Maternity House, Inc.
Hugtanong gihimakak ni Jasmine Janice Badocdoc nga iyang pirma ang nabutang sa dokumento nga gipagawas sa abogado sa tambalanan nga si Atty. Cornelio Mercado.
"This is exactly the same signature I showed NBI (National Bureau of Investigation) and CHR (Commission on Human Rights). This is different from the document that they (maternity) released," si Badocdoc mipakita sa iyang tinud-anay nga pirma. "First things first. Let us not deviate from the issue which is the taping of the mouth, the nurse, the doctor. We will settle the falsification after this. Let us have the baby's justice first," nagkanayon si Ryan Noval ang amahan sa masuso.
Dugang ni Badocdoc, gamay ra kaayo ang “five digit” nga kwarta nga giingong nadawat nila human sa pinirmahay sa areglo nga giingong nahitabo Hunyo 27.
Iya hinuong giangkon nga didto siya sa maong tambalanan niadtong Biyernes apan sa laing tuyo nga mao ang pagpirma sa Certificate of Live Birth sa iyang anak nga giplasteran.
"They will do everything to discredit us. They already did this before by saying we taped our own baby ourselves. Now, they're doing it again and it got too far," pamahayag sa inahan.
Gisuwayan sa Banat News sa pagkuha ang habig ni Mercado apan dili matawgan ang iyang numero sa cellphone. (BANAT NEWS)
- Latest
