Lollipop labing adunahan

CEBU, Philippines - Nag-una nga labing adunahan nga piniling opisyal sa dakbayan sa Mandaue si Konsehal Emmarie Dolores “Lollipop” Ouano-Dizon kinsa mideklarar og P38.4 milyones nga bahandi sa iyang Statement of Assets, Liabilities and Net Worth (SALN) sa tuig 2013.

Gideklarar usab ni Dizon ang 15 ka mga kompaniya nga iyang gilambigitan sa negosyo samtang lima sa sakop sa iyang pamilya ang nagserbisyo sa gobiyerno nga naglakip sa iyang amahan nga si Bokal Thadeo Ouano.

Ikaduha lang si Mayor Jonas Cortes nga may P20.7 milyones nga katigayunan ug gisundan ni Konsehal Beethoven Andaya nga may P15. 2 milyones.

Ikaupat si Bise Mayor Glenn Bercede nga nagbaton og P11.2 milyones, Konsehal Nenita Layese nga adunay P5.8 milyones, Konsehal Jimmy Lumapas nga adunay P1.7 milyones ug Konsehal Jefferson Ceniza nga adunay P1.2 milyones.

Wala makaabot sa usa ka milyon ang bahandi sa ubang opisyal sama nilang Konsehal Ernie Manatad nga may P740,219; Konsehal Demetrio Cortes Jr. adunay P514,000 ug Konsehal Diosdado Suico sa kantidad nga P204,500.-( /GMR)(BANAT NEWS)